நீங்கள் தேடியது "தடுத்து நிறுத்தம்"

லக்னோ:


அகிலேஷ் தடுத்து நிறுத்தப்பட்டதற்கு எதிர்ப்பு தெரிவித்து லக்னோ, பிரயாக்ராஜ், ஜான்ப்பூர், ஜான்சி, கானுஜ், பால்ராம்ப்பூர், கோராக்பூர் உள்ளிட்ட பல்வேறு பகுதிகளிலும் சமாஜ்வாடி கட்சியினர் போராட்டத்தில் ஈடுபட்டனர். வாகனங்களுக்கு தீ வைக்கப்பட்டது. பல்வேறு பகுதிகளில் போலீசாருடன் மோதல் ஏற்பட்டது. இதையடுத்து, போலீசார் தடியடி நடத்தினர். பிரயாக்ராஜ் பகுதியில் போலீசாரின் தாக்குதலில் தர்மேந்திர யாதவ் எம்பி உள்ளிட்ட சிலர் காயமடைந்தனர்.

இவ்வாறு மாநிலம் முழுவதும் நடைபெற்ற பல்வேறு போராட்டங்களில் ஈடுபட்டவர்கள் மீது போலீசார் வழக்குப்பதிவு செய்துள்ளனர்.  2 எம்பிக்கள் உள்ளிட்ட 46 முக்கிய பிரமுகர்கள் உள்ளிட்ட 296 பேர் மீது வழக்கு பதிவு செய்யப்பட்டுள்ளது.

அகிலேஷ் தடுத்து நிறுத்தப்பட்ட விவகாரம் நேற்று உ.பி. சட்டமன்றம் மற்றும் பாராளுமன்றத்திலும் எதிரொலித்தது. சமாஜ்வாடி உறுப்பினர்கள் கடும் அமளியில் ஈடுபட்டது குறிப்பிடத்தக்கது. #AkhileshStopped #SamajwadiProtest

லக்னோ:

உத்தரப்பிரதேசம் மாநிலத்தில் உள்ள அலகாபாத் (தற்போதைய புதிய பெயர் பிரயாக்) பல்கலைக்கழக மாணவர் சங்கத் தலைவர் தேர்தலில் சமாஜ்வாதி கட்சியை சேர்ந்த மாணவர் வெற்றி பெற்றார்.


அப்போது, அங்கு சாதாரண உடையில் இருந்த ஒரு காவலர் அகிலேஷ் யாதவ் மீது கையை வைத்து தடுத்து நிறுத்த முயன்றார். ‘மேலே கையை வைக்காதே’ என்று அகிலேஷ் யாதவ் போட்ட சப்தத்தை கேட்ட அவரது மெய்க்காப்பாளர் அந்நபரை பிடித்து தள்ளினார்.

இதைதொடர்ந்து, தனி விமானத்தை நோக்கி நடந்துச்சென்ற அகிலேஷ் யாதவை போலீசார் தடுத்து நிறுத்தி திருப்பி அனுப்பினர்.

அகிலேஷ் யாதவ் லக்னோ விமான நிலையத்தில் தடுத்து நிறுத்தப்பட்ட சம்பவம் தொடர்பான தகவல் சமாஜ்வாதி கட்சி பிரமுகர்கள் மற்றும் தொண்டர்கள் மத்தியில் தீயாக பரவியது. இச்சம்பவம் தொடர்பாக இன்று உ.பி. சட்டசபையில் அக்கட்சியினர் கடும் வாக்குவாதத்தில் ஈடுபட்டனர்.

அலகாபாத் பல்கலைக்கழகத்தில் நடைபெறும் விழாக்கள் மற்றும் நிகழ்ச்சிகளில் அரசியல் பிரமுகர்கள் அனுமதிக்கப்படுவதில்லை.

எனவே, மாணவர் சங்கத்தின் புதிய பிரதிநிதிகள் பதவியேற்பு விழாவில் பங்கேற்க அகிலேஷ் யாதவ் வர வேண்டாம் என்று பல்கலைக்கழக நிர்வாகத்தின் சார்பில் அகிலேஷ் யாதவின் தனிச் செயலாளருக்கு நேற்று மாலை கடிதம் அனுப்பப்பட்டதாக அலகாபாத் பல்கலைக்கழகத்தின் சார்பில் விளக்கம் அளிக்கப்பட்டுள்ளது.

இந்நிலையில், இவ்விவகாரம் தொடர்பாக கருத்து தெரிவித்த உ.பி. முதல் மந்திரி யோகி ஆதித்யநாத் அலகாபாத் பல்கலைக்கழகம் அனுமதி மறுத்துவிட்ட நிலையில் அகிலேஷ் யாதவ் அங்கு சென்றால் சட்டம்-ஒழுங்கு பிரச்சனை ஏற்படும் என்பதால் அவரை லக்னோ நகரில் விமானத்தில் ஏறுவதற்கு முன்னர் போலீசார் தடுத்து நிறுத்தியதாக தெரிவித்துள்ளார். #Akhileshstopped #Lucknowairport #Allahabaduniversity

திருவனந்தபுரம்:


இவ்வாறு பாதுகாப்புடன் செல்லும் பெண்களுக்கு பக்தர்கள் எதிர்ப்பு தெரிவித்து போராட்டம் நடத்துகின்றனர். இதனால் பல பெண்கள் தங்கள் பயணத்தை பாதியிலேயே முடித்துக்கொண்டு திரும்ப நேர்ந்தது.

இந்நிலையில் கேரள மாநிலம் கண்ணூரைச் சேர்ந்த ரேஷ்மா, ஷானிலா ஆகியோர் இன்று காலை பம்பையில் இருந்து சபரிமலை சன்னிதானம் நோக்கி புறப்பட்டனர். இதுபற்றி தகவல் அறிந்த பக்தர்கள் அந்த பெண்களை முன்னேற விடாமல் நீலிமலையில் தடுத்து நிறுத்தி போராட்டம் நடத்தினர். நேரம் செல்லச் செல்ல பக்தர்களின் கூட்டம் அதிகரித்து. இதனால், 2 பெண்களும் போலீஸ் பாதுகாப்புடன் பம்பை திரும்பினர். #SabarimalaProtest #WomenEntry

திருவனந்தபுரம்:

கேரளாவில் உள்ள புகழ்பெற்ற சபரிமலை சுவாமி ஐயப்பன் கோவிலில் கடைப்பிடிக்கப்பட்டுவரும் சம்பிரதாயத்தை மாற்றி, அனைத்து வயது பெண்களையும் தரிசனம் செய்ய அனுமதிக்கும்படி உச்ச நீதிமன்றம் உத்தரவு பிறப்பித்தது. இந்த உத்தரவுக்கு எதிர்ப்பு தெரிவித்து இந்து அமைப்பினர் மற்றும் ஐயப்ப பக்தர்கள் போராட்டங்கள் நடத்தி வருகின்றனர். கோவிலுக்கு வரும் இளம்பெண்களை தடுத்து நிறுத்துகின்றனர். இதனால் பதற்றம் ஏற்பட்டுள்ளது. இது ஒருபுறமிருக்க உச்ச நீதிமன்ற தீர்ப்பை நடைமுறைப்படுத்துவதில் கேரள அரசு உறுதியாக உள்ளது.

கடந்த மாதம் 16-ந்தேதி மண்டல பூஜைக்காக நடை திறக்கப்பட்டபோதும் இளம்பெண்கள் கோவிலுக்கு வருவதற்கான முயற்சியில் ஈடுபட்டனர். ஆனால், இளம்பெண்கள் சாமி தரிசனம் செய்ய எதிர்ப்பு தெரிவித்து ஐயப்ப பக்தர்கள், அரசியல் கட்சியினர், இந்து அமைப்புகள் போராட்டம் நடத்துவதால் நடை திறந்த முதல் நாளிலேயே சபரிமலையில் 144 தடை உத்தரவு போடப்பட்டது. அதன்பின்னர் அங்கு தொடர்ந்து பதட்டமான சூழ்நிலை நிலவி வருவதால் இந்த தடை உத்தரவு டிசம்பர் 27-ம் தேதி வரை நீட்டிக்கப்பட்டுள்ளது.


இதையடுத்து தேவசம் அமைச்சர் கடகம்பள்ளி சுரேந்திரன், காவல்துறை உயர் அதிகாரிகளை தொடர்பு கொண்டு பேசினார். அப்போது அப்பச்சமேடு பகுதியில் உள்ள நிலவரத்தை அமைச்சரிடம் அதிகாரிகள் எடுத்துக் கூறினர். இதையடுத்து, பக்தர்கள் கடும் எதிர்ப்பு தெரிவிப்பதால், தடுத்து நிறுத்தப்பட்ட 2 பெண்களையும் திருப்பு அனுப்பும்படி அமைச்சர் அறிவுறுத்தினார். எனவே, 2 பெண்களும் திருப்பி அனுப்பப்படுகிறார்கள். #SabarimalaTemple #SabarimalaProtest #Section144

திருவனந்தபுரம்:

சபரிமலைக்கு 50 வயதிற்கு உட்பட்ட பெண்கள் வந்தால் அவர்களை தடுத்து நிறுத்தி திருப்பி அனுப்பும் போராட்டத்தில் ஐயப்ப பக்தர்கள் ஈடுபட்டு வருகிறார்கள். இன்றும் அவர்கள் சபரிமலையில் கண்காணிப்பு பணியில் ஈடுபட்டனர்.

அப்போது பம்பைக்கு வந்த 2 ஆந்திர பெண் பக்தர்களின் வயதில் அவர்களுக்கு சந்தேகம் ஏற்பட்டது. இதனால் அவர்களை தடுத்து நிறுத்தினார்கள். அந்த பெண்களை சபரிமலை சன்னிதானத்திற்கு செல்ல அனுமதிக்க கூடாது என்று ஐயப்ப பக்தர்கள் கோ‌ஷம் எழுப்பியதால் பரபரப்பு ஏற்பட்டது.

இதைதொடர்ந்து போலீசார் 2 பெண்களின் வயதையும் ஆய்வு செய்தனர்.அப்போது அவர்கள் 50 வயதுக்கு உட்பட்டவர்கள் என்பது தெரியவந்தது. வழக்கமாக இவர்கள் தங்கள் குடும்பத்தினருடன் சபரிமலைக்கு வருவது வழக்கமாம். இந்த பெண்கள் 2 பேரும் பம்பையிலேயே தங்கி விடுவார்கள். மற்ற ஆண்கள் சபரிமலை சன்னிதானம் சென்று தரிசனம் செய்து விட்டு வந்ததும் இவர்கள் வீடு திரும்புவார்கள்.

இன்றும் தாங்கள் சன்னிதானம் சென்று தரிசனம் செய்ய வேண்டும் என்று வரவில்லை என அவர்கள் தெரிவித்தனர். பக்தர்கள் போராட்டம் காரணமாக உடனடியாக ஊருக்கு திரும்புவதாகவும் அவர்கள் தெரிவித்தனர்.


இன்று பக்தர்கள் கூட்டத்தோடு 50 வயதிற்குட்பட்ட பெண் பக்தர்கள் வரக்கூடும் என்று ஐயப்ப பக்தர்கள் கருதுகிறார்கள். இதனால் அவர்கள் அந்த பெண்களை தடுத்து நிறுத்த ஆங்காங்கே திரண்டு உள்ளனர். மேலும் சபரிமலை வனப்பகுதியிலும் ஐயப்ப பக்தர்களும், இந்து அமைப்பினரும் கூடாரம் அடித்து தங்கியிருந்து கண்காணிப்பதாக போலீசாருக்கு தகவல் கிடைத்துள்ளது.

இதைதொடர்ந்து அவர்கள் இந்த தகவலை வனத்துறை அதிகாரிகள் கவனத்திற்கு கொண்டு சென்றனர். இதனால் வன ஊழியர்களும் வனப்பகுதிக்குள் யாரும் அத்துமீறி நுழைந்துள்ளார்களா? என்பதை கண்காணித்து வருகிறார்கள்.

மேலும் ஐ.ஜி. ஸ்ரீஜித் தலைமையில் நிலக்கல்லில் இருந்து சபரிமலை சன்னிதானம் வரை பாதுகாப்பு பலப்படுத்தப்பட்டு உள்ளது. அதேசமயம் சபரிமலை விவகாரம் தொடர்பாக கேரளாவில் நடைபெறும் போராட்டம் இன்று தொடர்ந்தது. மாநிலத்தில் உள்ள அனைத்து போலீஸ் நிலையங்களையும் முற்றுகையிட்டு போராட்டம் நடத்தப் போவதாக இந்து முன்னணியினர் அறிவித்து உள்ளனர்.

நேற்று இந்து முன்னணியினர் திருவனந்தபுரத்தில் உள்ள ஐ.ஜி. மனோஜ் ஆபிரகாம் வீட்டை முற்றுகையிட சென்றபோது அவர்களை போலீசார் விரட்டியடித்தனர். அதே போல மாநிலம் முழுவதும் இந்து அமைப்புகள் சார்பில் நாமஜெப யாத்திரையும் தொடர்ந்து நடைபெற்று வருகிறது.  #SabarimalaTemple